UEFA និងប្រទេសជាសមាជិករបស់ខ្លួនមានការភ្ញាក់ផ្អើលកាលពីថ្ងៃពុធ ខណៈដែលត្រូវបានប្រកាសថាប្រទេសរុស្ស៊ីនឹងដេញថ្លៃធ្វើជាម្ចាស់ផ្ទះការប្រកួតជើងឯកអឺរ៉ុបនៅឆ្នាំ ២០២៨ និង ២០៣២។
គេរំពឹងថា ការដេញថ្លៃរួមគ្នារវាងចក្រភពអង់គ្លេស និងអៀរឡង់ នឹងក្លាយជាការដេញថ្លៃតែមួយគត់សម្រាប់ឆ្នាំ ២០២៨ ខណៈដែលប្រទេសទួរគីក៏បានបង្ហាញពីចំណាប់អារម្មណ៍ក្នុងការធ្វើជាម្ចាស់ផ្ទះនៅឆ្នាំ ២០៣២ ផងដែរ។
ទោះបីជាយ៉ាងណាក៏ដោយ ប្រទេសរុស្ស៊ីបានធ្វើការដេញថ្លៃធ្វើជាម្ចាស់ផ្ទះនៃការប្រកួតនេះ បន្ទាប់ពីធ្វើជាម្ចាស់ផ្ទះ World Cup ឆ្នាំ ២០១៨ ។
លោក Sergey Anokhin សមាជិកគណៈកម្មាធិការប្រតិបត្តិនៃ RFU បាននិយាយថា៖ «គណៈកម្មាធិការប្រតិបត្តិបានសម្រេចចិត្តថា យើងនឹងដាក់ពាក្យធ្វើជាម្ចាស់ផ្ទះការប្រកួតជើងឯកអឺរ៉ុបឆ្នាំ ២០២៨ និង Euro ២០៣២» ។
បញ្ជាក់ផងដែរថា វាកើតឡើងទោះបីជាប្រទេសរុស្ស៊ីបច្ចុប្បន្ន ត្រូវបានដកចេញពីការចូលរួមក្នុងការប្រកួត UEFA ឬ FIFA ក៏ដោយ។ ម្ចាស់ផ្ទះសម្រាប់ឆ្នាំ ២០២៨ និងឆ្នាំ ២០៣២ នឹងត្រូវបញ្ជាក់នៅខែកញ្ញា ឆ្នាំ ២០២៣ មុនពេលដែលប្រទេសអាឡឺម៉ង់ធ្វើជាម្ចាស់ផ្ទះនៃការប្រកួតឆ្នាំ ២០២៤៕
