បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៨ ខែមីនា ឆ្នាំ២០២២ បានអោយដឹងថាអ្នកនាំពាក្យក្រសួងការបរទេសចិន លោក Zhao Lijian បាននិយាយក្នុងសន្និសីទសារព័ត៌មានកាលពីថ្ងៃសុក្រថា ទីក្រុងប៉េកាំងរក្សាជំហរ “ឯករាជ្យ” លើវិបត្តិអ៊ុយក្រែន។ ការកត់សម្គាល់បញ្ជាក់យ៉ាងនេះបានធ្វើឡើងក្នុងការឆ្លើយតបទៅនឹងការគំរាមកំហែងដោយរដ្ឋមន្ត្រីការបរទេសសហរដ្ឋអាមេរិកលោក Antony Blinken ដែលបានព្រមានប្រទេសចិនកាលពីថ្ងៃព្រហស្បតិ៍ថាទីក្រុងវ៉ាស៊ីនតោននឹងចាំមើល ប្រសិនបើទីក្រុងប៉េកាំងជ្រើសរើសគាំទ្រទីក្រុងម៉ូស្គូ។
លោក Zhao Lijian បាននិយាយថា “នៅលើបញ្ហាអ៊ុយក្រែន ប្រទេសចិនតែងតែធ្វើសកម្មភាពដោយច្បាស់លាស់ និងមិនលំអៀង ហើយធ្វើការវិនិច្ឆ័យដោយឯករាជ្យដោយផ្អែកលើការពិចារណាយ៉ាងច្បាស់លាស់”៕
