បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៦ ខែមីនា ឆ្នាំ២០២២ បានអោយដឹងថា លោកប្រធានាធិបតីអាមេរិក Joe Biden បានប្រកាសផ្តល់ជំនួយយោធាដែលចំនួន ៨០០ លានដុល្លារបន្ថែមទៀតដល់អ៊ុយក្រែន ពីលើជំនួយ ២០០ លានដុល្លារដែលបានសន្យាលើកមុន។
ក្នុងនោះសម្ព័ន្ធមិត្តរបស់អាមេរិកក៏បានសន្យានឹងផ្តល់អោយនៅសព្វាវុធ ដែលរួមមានប្រព័ន្ធប្រឆាំងរថគ្រោះចំនួន ៩០០០ , អាវុធធុនតូចចំនួន ៧០០០, កាំជ្រួចប្រឆាំងយន្តហោះចំនួន ៨០០, គ្រាប់រំសេវចំនួន ២០ លានគ្រាប់, អាវក្រោះ និងយន្តហោះគ្មានមនុស្សបើក។
លោក Biden បានធ្វើការប្រកាសព័ត៌មានលំអិតត្រឹមតែប៉ុន្មានម៉ោងបន្ទាប់ពីប្រធានាធិបតីអ៊ុយក្រែនលោក Volodymyr Zelensky បានធ្វើការអំពាវនាវសុំជំនួយយោធាដល់សភាអាមេរិកតាមរយៈវីដេអូខល៕
