បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៥ ខែមីនា ឆ្នាំ២០២២ បានអោយដឹងថាលោកប្រធានាធិបតី Volodymyr Zelensky បានប្រាប់មេដឹកនាំលោកខាងលិច កាលពីថ្ងៃអង្គារ ថា អ៊ុយក្រែនមិនស្ថិតនៅក្នុងក្រុមរបស់ NATO នោះទេ ហើយក្រុងគៀវក៏យល់អំពីរឿងនេះដែរ។ ឥឡូវនេះ ក្រុងគៀវ ស្វែងរកការការពារពីរដ្ឋសមាជិកនីមួយៗដោយផ្ទាល់។
លោកប្រធានាធិបតី Volodymyr Zelensky បាននិយាយក្នុងអំឡុងពេលហៅជាវីដេអូជាមួយកងកម្លាំងបេសកកម្មរួមចក្រភពអង់គ្លេស ដែលជាកិច្ចប្រជុំនៃមេដឹកនាំនៃប្រទេស Nordic និង Baltic ដែលរៀបចំដោយនាយករដ្ឋមន្ត្រី Boris Johnson ថាយើងបានឮអស់ជាច្រើនឆ្នាំមកហើយថា ទ្វារ [ណាតូ] ត្រូវបានគេសន្មត់ថាបើក ប៉ុន្តែឥឡូវនេះយើងដឹងថាយើងនឹងមិនចូលទៅទីនោះទេ។ នោះគឺជាការពិត ហើយយើងត្រូវតែទទួលស្គាល់ថា៕
