បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៥ ខែមីនា ឆ្នាំ២០២២ បានអោយដឹងថាប្រទេសរុស្ស៊ីបានហាមឃាត់ការនាំចេញគ្រាប់ធញ្ញជាតិជាបណ្តោះអាសន្នទៅកាន់បណ្តាប្រទេសនៃសហភាពសេដ្ឋកិច្ចអឺរ៉ាស៊ី (EAEU) ដើម្បីការពារទីផ្សារម្ហូបអាហារក្នុងស្រុកចំពេលមានសម្ពាធកាន់តែខ្លាំងឡើងពីការដាក់ទណ្ឌកម្មទាក់ទងនឹងអ៊ុយក្រែនលើសេដ្ឋកិច្ចរបស់ប្រទេសនេះ។
យោងតាមក្រឹត្យមួយដែលបានចុះហត្ថលេខាកាលពីល្ងាចថ្ងៃចន្ទដោយនាយករដ្ឋមន្ត្រីរុស្ស៊ីលោក Mikhail Mishustin បានអោយដឹងថាប្រទេសរុស្ស៊ីនឹងមិននាំចេញស្រូវសាលី, rye, barley និងពោតទៅកាន់រដ្ឋ EAEU ជិតខាងរហូតដល់ថ្ងៃទី 30 ខែមិថុនា៕
