បរទេស៖ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៥ ខែមីនា ឆ្នាំ២០២២នេះ ទីប្រឹក្សាប្រធានាធិបតីអ៊ុយក្រែនលោក Oleksiy Arestovich បានបញ្ជាក់ថាសង្គ្រាមរវាងអ៊ុយក្រែន និងរុស្ស៊ីអាចនឹងបញ្ចប់នៅក្នុងខែឧសភាខាងមុខ។
លោក Oleksiy Arestovich បានលើកឡើងថា “តាមការគិតរបស់ខ្ញុំ គឺមិនយូរជាងខែឧសភាឡើយ អាចខ្ទង់ដើមខែឧសភា យើងគួរតែសម្រេចបានកិច្ចព្រមព្រៀងសន្តិភាព ឬប្រហែលអាចឆាប់ជាងនេះ។ យើងនឹងរង់ចាំមើលទៀត ព្រោះអ្វីដែលខ្ញុំនិយាយនេះ គឺប៉ាន់ស្មានពីកាលបរិច្ឆេទ ដែលអាចកើតឡើងឆាប់បំផុត”៕
