បរទេស៖ នេះបើយោងតាមការចេញផ្សាយរបស់សារព៍ត៌មាន RT នៅថ្ងៃទី១៤ ខែមីនា ឆ្នាំ២០២២ បានអោយដឹងថាអ្នកនាំពាក្យរដ្ឋាភិបាលលោក Wolfgang Buechner បានប្រាប់អ្នកយកព័ត៌មានកាលពីថ្ងៃចន្ទ ថា អាល្លឺម៉ង់នឹងលែងបង្ហាញព័ត៌មានលម្អិតនៃការដឹកជញ្ជូនអាវុធរបស់ខ្លួនទៅកាន់ប្រទេសអ៊ុយក្រែនទៀតហើយ។ ការប្រកាសបែបនេះកើតឡើង បន្ទាប់ពីរុស្ស៊ីបាននិយាយថា ខ្លួននឹងចាត់ទុកការដឹកជញ្ជូនអាវុធរបស់លោកខាងលិចទៅកាន់អ៊ុយក្រែនជា “គោលដៅស្របច្បាប់”។
លោក Buechner បាននិយាយថា នៅក្រោមគោលនយោបាយថ្មី អាល្លឺម៉ង់នឹងមិននិយាយថាអាវុធណាដែលត្រូវបានប្រគល់ឱ្យអ៊ុយក្រែន ឬដឹកដោយរបៀបណានោះទេ ដើម្បី “ជៀសវាងហានិភ័យសន្តិសុខ”៕
