បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៤ ខែមីនា ឆ្នាំ២០២២ បានអោយដឹងថាក្រសួងការពារជាតិរុស្ស៊ីបាននិយាយកាលពីថ្ងៃចន្ទថា រដ្ឋាភិបាលលោកខាងលិចដែលលើកទឹកចិត្តពលរដ្ឋរបស់ពួកគេឱ្យចុះឈ្មោះមកជួយប្រយុទ្ធក្នុងប្រទេសអ៊ុយក្រែននឹងទទួលខុសត្រូវចំពោះការស្លាប់របស់ពួកគេ។ ក្នុងនោះប្រទេសរុស្ស៊ីបានប្តេជ្ញាបន្តការវាយប្រហារដូចជាការបំផ្លាញមូលដ្ឋាន Yavorov និងមិនបង្ហាញការអាណិតអាសូរដល់ទាហានស៊ីឈ្នួល។
អ្នកនាំពាក្យយោធារុស្ស៊ី ឧត្តមសេនីយឯក Igor Konashenkov បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា “ទីតាំងទាំងអស់នៃទាហានស៊ីឈ្នួលបរទេសនៅក្នុងប្រទេសអ៊ុយក្រែនត្រូវបានស្គាល់ ។ ខ្ញុំចង់ព្រមានអ្នកម្តងទៀត! វានឹងមិនមានការអាណិតអាសូរចំពោះទាហានស៊ីឈ្នួលទេមិនថាពួកគេនៅទីណានៅលើទឹកដីនៃអ៊ុយក្រែននោះទេ។”
លោក Konashenkov បានបន្ថែមថា រដ្ឋាភិបាលលោកខាងលិចមួយចំនួនបានលើកទឹកចិត្តអោយពលរដ្ឋរបស់ពួកគេមកប្រយុទ្ធប្រឆាំងនឹងកងទ័ពរុស្ស៊ីក្នុងនាមជាទាហានស៊ីឈ្នួល។ លោកថែមទៀតថា ការទទួលខុសត្រូវបន្ថែមទៀតសម្រាប់ការស្លាប់របស់ពលរដ្ឋបរទេសប្រភេទនេះនៅអ៊ុយក្រែនគឺស្ថិតនៅលើការដឹកនាំរបស់ប្រទេសទាំងនេះតែប៉ុណ្ណោះ៕
