បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៤ ខែមីនា ឆ្នាំ២០២២ បានអោយដឹងថាប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងសុន្ទរកថាតាមវីដេអូកាលពីយប់ថ្ងៃអាទិត្យដោយបញ្ជាក់ថា គោលបំណងរបស់ប្រតិភូចរចារបស់ក្រុងគៀវ គឺដើម្បីត្រួសត្រាយផ្លូវសម្រាប់កិច្ចប្រជុំដោយផ្ទាល់របស់ប្រធានាធិបតីរុស្ស៊ី និងអ៊ុយក្រែន ហើយគោលដៅនៃកិច្ចពិភាក្សាគឺដើម្បីទទួលបានការធានាសន្តិសុខ។
ប្រធានាធិបតីអ៊ុយក្រែនលោក Volodymyr Zelensky បាននិយាយថា “គណៈប្រតិភូរបស់យើងមានភារកិច្ចច្បាស់លាស់ ត្រូវធ្វើឱ្យអស់ពីលទ្ធភាពដើម្បីឱ្យកិច្ចប្រជុំរវាងប្រធានាធិបតីកើតឡើង។ កិច្ចប្រជុំដែលខ្ញុំប្រាកដថាប្រជាជនកំពុងរង់ចាំ”៕
