បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៤ ខែមីនា ឆ្នាំ២០២២នេះ បានអោយដឹងថា ប្រទេសអូស្ត្រាលីបានដើរតាមគន្លងរបស់ចក្រភពអង់គ្លេស ដោយបានដាក់ទណ្ឌកម្មលើបុគ្គលល្បីៗរបស់រុស្សី ៣-៤រូប ដែលចាប់ទុកថាជាមនុស្សសារៈសំខាន់ចំពោះក្រុងម៉ូស្គូ។ នៅក្នុងបញ្ជីនេះក៏រួមមានម្ចាស់ក្លឹប Chelsea FC លោក Roman Abramovich ក៏ដូចជាធនាគារិកល្បីៗ និងនាយកប្រតិបត្តិនៃក្រុមហ៊ុនថាមពល។
រដ្ឋមន្ត្រីការបរទេសអូស្ត្រាលី Marise Payne បាននិយាយថា វិធានការដាក់ទណ្ឌកម្មថ្មីបានកំណត់គោលដៅ “មនុស្សដែលមានទ្រព្យសម្បត្តិផ្ទាល់ខ្លួនយ៉ាងច្រើន ហើយមានសារៈសំខាន់ខាងសេដ្ឋកិច្ច និងជាយុទ្ធសាស្ត្រសម្រាប់រុស្ស៊ី ដែលមានទំនាក់ទំនងជិតស្និទ្ធជាមួយប្រធានាធិបតីរុស្ស៊ី Vladimir Putin”។
