បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១២ ខែមីនា ឆ្នាំ២០២២ បានអោយដឹងថា លោកប្រធានាធិបតីអ៊ុយក្រែន Volodymyr Zelensky បានបង្ហាញអំពីការត្រៀមខ្លួនរួចជាស្រេចក្នុងការចរចាជាមួយនឹងរុស្ស៊ី ដោយក្នុងនោះលោកបានស្នើឱ្យនាយករដ្ឋមន្ត្រីអ៉ីស្រាអែលជួយរៀបចំ។
លោកប្រធានាធិបតីអ៊ុយក្រែន Volodymyr Zelensky បានថ្លែងថា “ក្រុមអ្នកតំណាងអ៊ុយក្រែននិងរុស្ស៉ី កំពុងពិភាក្សាគ្នាលើបញ្ហាមួយចំនួន និងមិនមែនគ្រាន់តែដាក់ការកំណត់ទាមទារ ទៅវិញទៅមកឡើយ”។
លោកបន្ថែមថា តាមរយៈការជជែកតាមទូរស័ព្ទជាមួយ នាយករដ្ឋមន្ត្រីអ៉ីស្រាអែល លោក Naftali Bennett ផងដែរ ដោយកំឡុងជំនួបនោះ លោកបានបង្ហាញជំហរថា កិច្ចពិភាក្សាជាន់ខ្ពស់ជាមួយរុស្ស៉ី គួរត្រូវធ្វើឡើងនៅដែនដីអព្យាក្រឹត្យ ដូច្នេះហើយលោកបានស្នើឱ្យលោក Naftali ជួបរៀបចំកិច្ចចរចាសន្តិភាព នៅទីក្រុងហ្សេរុយសាឡឹម៕
