អ៊ី​តា​លី រឹបអូស​ទូកក្តោង​ធំ​ជាងគេ​លើ​ពិភពលោក មាន​តម្លៃ ៥៧៨ លាន​ដុល្លារ ពី​មហា​សេដ្ឋ​រុ​ស្ស៊ី​ម្នាក់

បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១២ ខែមីនា ឆ្នាំ២០២២ បានអោយដឹងថា អាជ្ញាធរ​អ៊ីតាលី​បាន​រឹបអូស​ទូក​ក្តោង​មួយ​របស់​មហាសេដ្ឋីរុស្ស៊ីលោក Andrey Melnichenko ម្ចាស់​ក្រុមហ៊ុន​ផលិត​ជី​ EuroChem Group និង​ក្រុមហ៊ុន​ធ្យូងថ្ម SUEK។

ការរឹបអូសនេះកើតឡើងតែប៉ុន្មានថ្ងៃបន្ទាប់ពីមហាសេដ្ឋីរូបនេះត្រូវបានដាក់បញ្ចូលក្នុងបញ្ជីទណ្ឌកម្មរបស់សហភាពអឺរ៉ុប រួមជាមួយនឹងពាណិជ្ជករ ១៣ នាក់ផ្សេងទៀតមកពីប្រទេសរុស្ស៊ី។

យោងតាមរដ្ឋាភិបាលអ៊ីតាលី បានអោយដឹងថាទូកក្ដោងដ៏ធំបំផុតរបស់ពិភពលោកត្រូវបានរឹបអូសនៅកំពង់ផែភាគខាងជើងនៃទីក្រុង Trieste កាលពីថ្ងៃទី១១ ខែមីនា។

វាប្រវែង ១៤៣ម៉ែត្រ (៤៧០ហ្វីត) ដែលរចនាដោយ Philippe Starck និងសាងសង់ដោយ Nobiskrug ក្នុងប្រទេសអាល្លឺម៉ង់ ត្រូវបានគេរាយការណ៍ថាមានតម្លៃ ៥៣០ លានអឺរ៉ូ (៥៧៨ លានដុល្លារ)៕