បរទេស៖ នេះបើយោងតាមការចេញផ្សាយរបស់សារព័ត៌មាន TASS នៅថ្ងៃទី១២ ខែមីនា ឆ្នាំ២០២២នេះ បានអោយដឹងថា ប្រធានាធិបតីអាមេរិក លោក ចូ បៃដិន បានលើឡើងពីការមិនព្រមបញ្ជូនសព្វាវុធ និងកម្លាំងទ័ពទៅអ៊ុយក្រែន ពីព្រោះវាអាចស្មើរនឹងការចាប់ផ្តើមសង្គ្រោមលោកទី៣។
ក្នុងនោះលោកប្រធានាធិបតីអាមេរិក បានថ្លែងថា “យើងកំពុងបង្ហាញពីកម្លាំងរបស់យើង ហើយយើងមិនចុះញ៉មដាច់ខាត។ ប៉ុន្តែទាក់ទងគំនិតចង់ឱ្យពួកយើងបញ្ជូនសព្វាវុធ ដូចជារថក្រោះ យន្តហោះ អមជាមួយកងទ័ពអាមេរិកផ្ទាល់ ទៅកាន់អ៊ុយក្រែន គួរយល់ឱ្យបានច្បាស់ថា ទោះអ្នកទាំងអស់គ្នាចង់ហៅវាថាជាអ្វីក៏ដោយ ធាតុពិតការធ្វើបែបនោះ គឺស្មើនឹងផ្ទុះសង្គ្រាមលោកលើកទី៣។ ខ្ញុំសូមបញ្ជាក់ឱ្យបានច្បាស់នៅទីនេះ”៕
