បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមីនា ឆ្នាំ២០២២ បានអោយដឹងថាលោក Roberto Cingolani រដ្ឋមន្ត្រីក្រសួងបរិស្ថានរបស់ប្រទេសអ៊ីតាលី បានប្រាប់ប្រព័ន្ធផ្សព្វផ្សាយកាលពីថ្ងៃចន្ទថា ប្រទេសអ៊ីតាលីចង់ក្លាយជាមួយដែលមិនបាច់ទិញឧស្ម័នរបស់រុស្ស៊ីក្នុងរយៈពេលពីរឆ្នាំទៀត។
យោងតាមការចេញផ្សាយរបស់សារព័ត៌មាន Agenzia Italia បានអោយដឹងថា “អ៊ីតាលីនាំចូលឧស្ម័ន ២៩ ពាន់លានម៉ែត្រគូបពីប្រទេសរុស្ស៊ី។ ទាំងនេះត្រូវតែស្វែងរកនៅការជំនួស”។
លោក Roberto Cingolani បន្ថែមថា ប្រទេសអ៊ីតាលីបានចាត់វិធានការបន្ទាន់ដើម្បីជំនួសពាក់កណ្តាលនៃឧស្ម័នរុស្ស៊ីពីប្រភពផ្សេងទៀតមុនពេល “ចុងនិទាឃរដូវ” ។ ហើយដើម្បីក្លាយជាប្រទេសមួយដែលមិនទិញឧស្ម័នពីរុស្ស៊ីនៅរយៈពេល “២៤-៣០ ខែគួរទៀត”៕
