បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៧ ខែមីនា ឆ្នាំ២០២២នេះ បានអោយដឹងថាក្រុម Shell បានប្រកាសពីគម្រោងបរិច្ចាគប្រាក់ចំណេញរបស់ខ្លួន ដែលបានទិញប្រេងឆៅពីរុស្ស៊ីនៅលើកចុងក្រោយបង្អស់របស់ខ្លួន ដល់ជនភៀសខ្លួនអ៊ុយក្រែន។
ការសម្រេចចិត្តនេះ បានធ្វើឡើងក្រោយមានការរិះគន់ពីសំណាក់រដ្ឋមន្ត្រីការបរទេសអ៊ុយក្រែនលោក Dmytro Kuleba ។
ក្រុមហ៊ុនបាននិយាយនៅក្នុងសេចក្តីថ្លែងការណ៍មួយដែលបានចេញផ្សាយតាមរយៈបណ្តាញសង្គម Twitter ផ្លូវការរបស់ខ្លួនថា “យើងនឹងផ្តល់ប្រាក់ចំណេញពីចំនួននៃប្រេងរបស់រុស្ស៊ីដែលយើងត្រូវទិញទៅឱ្យមូលនិធិ”៕
