បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៧ ខែមីនា ឆ្នាំ២០២២នេះ បានអោយដឹងថា ទំហំពាណិជ្ជរវាងរុស្ស៊ី និងចិនក្នុងឆ្នាំ២០២២នេះ មានការកើនឡើងដល់ទៅ ៣៨.៥% បើធៀបទៅនឹងឆ្នាំ២០២១កន្លងមក ដែលនេះជាទិន្នន័យចេញដោយរដ្ឋបាលគយរបស់ប្រទេសចិន។
ដោយក្នុងនោះចំណូលពាណិជ្ជកម្មក្នុងខែមករាដល់ខែកុម្ភៈបានកើនដល់ ២៦,៤៣ពាន់លានដុល្លារ។ ការនាំចេញរបស់រុស្ស៊ីទៅកាន់ប្រទេសចិន នៅ ២ខែដើមឆ្នាំនេះ មានទំហំទឹកប្រាក់ ១៣.៨ ពាន់លានដុល្លារ ខណៈពេលដែលរុស្ស៊ីនាំចូលទំនិញ និងសេវាកម្មពីប្រទេសចិនមានតម្លៃ ១២.៦ ពាន់លានដុល្លារ កើនឡើងប្រចាំឆ្នាំ ៤១.៥%៕
