បរទេស៖ នេះបើយោងតាមការចេញផ្សាយរបស់សារព័ត៌មាន TASS នៅថ្ងៃទី៦ ខែមីនា ឆ្នាំ២០២២នេះ បានអោយដឹងថា អាជ្ញាធរស៉ើបការណ៍សម្ងាត់នៃក្រសួងការពារជាតិអ៊ុយក្រែន បានចេញមកបញ្ជាក់អំពីសមាជិកមួយរូបនៃគណៈប្រតិភូចរចាជាមួយរុស្ស៊ីត្រូវបានស្លាប់ ក្នុងពេលបំពេញបេសកកម្មពិសេសមួយ។ ដោយឡែកខាងរុស្ស៊ីថា មនុស្សម្នាក់នោះត្រូវសម្លាប់ដោយភ្នាក់ងារសន្តិសុខអ៊ុយក្រែនសម្លាប់ ព្រោះសង្ស័យថាក្បត់ជាតិ។
ប្រភពពីអ៊ុយក្រែនថា លោក Denis Kireev និងមនុស្ស ២នាក់ផ្សេងទៀតត្រូវស្លាប់ក្នុងពេលបំពេញបេសកកម្មពិសេសមួយ ដើម្បីការពារប្រទេសជាតិ។ ខណៈខាងរុស្ស៊ីបានបញ្ជាក់ផ្ទុយពីនោះថា គាត់ត្រូវបានភ្នាក់ងារចារកម្មអ៊ុយក្រែនផ្ទាល់សម្លាប់ ក្រោមការសង្ស័យថា រូបលោកជាជនក្បត់ ដែលអាចលួចធ្វើការជាមួយរុស្ស៉ី៕
