បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៥ ខែមីនា ឆ្នាំ២០២២នេះ បានអោយដឹងថា ភ្នាក់ងារជនភៀសខ្លួនអង្គការសហប្រជាជាតិ (UNHCR) បានអោយដឹងថាមានជនភៀសខ្លួនជាង ១.២លាននាក់ បានភៀសខ្លួនចេញពីប្រទេសអ៊ុយក្រែន បន្ទាប់ពីប្រទេសរុស្ស៊ីបានវាយប្រហារកាលពីថ្ងៃទី២៤ ខែកុម្ភៈ។
ក្នុងនោះជនភៀសខ្លួនប្រមាណ ៥៣.៧% បានភៀសខ្លួនទៅកាន់ប្រទេសប៉ូឡូញ។ ដោយឡែកជនភៀសខ្លួនដែលនៅសល់បានរត់ទៅកាន់ប្រទេសហុងគ្រី ម៉ុលដាវ៉ា ស្លូវ៉ាគី និងរូម៉ានី។
លោកស្រី Joung-ah Ghedini-Williams អ្នកនាំពាក្យរបស់ UNHCR បានអោយដឹងថា “អត្រានៃការចាកចេញនេះពិតជាមានចំនួនច្រើន។ ហើយក៏នៅតែមានការចាកចេញបន្តទៀត”៕
