បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣ ខែមីនា ឆ្នាំ២០២២កន្លងមកនេះ បានអៅយដឹងថា លោកប្រធានាធិបតី វ្ល៉ាឌីមៀ ពូទីន បានសន្យាក្នុងជំនួបជាមួយសមាជិកក្រុមប្រឹក្សាសន្តិសុខរបស់ប្រទេស ដោយក្រុមគ្រួសាររបស់ទាហានរុស្ស៊ីដែលបានស្លាប់នៅក្នុងការបំពេញកាតព្វកិច្ចក្នុងប្រទេសអ៊ុយក្រែន ត្រូវបានកំណត់ថានឹងទទួលបានសំណងជាងប្រាំពីរលានរូពី (65,000 ដុល្លារ) ពីរដ្ឋាភិបាល។
ក្នុងនោះលោកពូទីន បានបន្ថែមទៀតថា អ្នកដែលបានរងរបួសមានសិទ្ធិទទួលបានប្រាក់មួយដុំចំនួន 3 លានរូពី (28,000 ដុល្លារ) ខណៈដែលទាហានដែលមានពិការភាពអចិន្ត្រៃយ៍នឹងទទួលបានប្រាក់សោធនពេញមួយជីវិតពីប្រទេសរុស្ស៊ី។
លោកពូទីនបានធ្វើការបដិសេធការអះអាងដែលផ្សព្វផ្សាយដោយប្រព័ន្ធផ្សព្វផ្សាយមួយចំនួនដែលថាការបង់ប្រាក់មានចំនួនត្រឹមតែ 11,000 រូប្លិ (100 ដុល្លារ) ប៉ុណ្ណោះ ចំពោះទាហានដែលមានបញ្ហានៅពេលបំពេញភារកិច្ចនៅអ៊ុយក្រែន៕
