បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣ ខែមីនា ឆ្នាំ២០២២នេះ បានអោយដឹងថាតម្លៃឧស្ម័នធម្មជាតិនៅអឺរ៉ុបបានកើនឡើងដល់ទៅជិត ២២៨០ដុល្លារក្នុង ១០០០ម៉ែត្រគូបនៅថ្ងៃព្រហស្បត្តិ៍នេះ ដែលជាលើកដំបូងក្នុងប្រវត្តិសាស្ត្រទីផ្សារ។ ការកើនឡើងនៃតម្លៃឧស្ម័នធម្មជាតិនេះ កើតឡើងស្របពេលយោធារបស់រុស្ស៊ីនៅអ៊ុយក្រែននៅតែបន្ត។
គួរបញ្ជាក់ថារុស្សី គឺជាប្រទេសមួយដែលផ្គត់ផ្គង់ឧស្ម័នធម្មជាតិប្រមាណ ៤០%នៃទ្វីបទាំងមូល។ ហើយក្នុងអ៊ុយក្រែន ត្រូវបានដឹងថាជាប្រទេសដែលរុស្សីដឹកជញ្ជូនឧស្ម័នចេញឆ្លងកាត់ដ៏សំខាន់បំផុត។ ដោយសារតែជម្លោះរវាងប្រទេសទាំង ២ នៅតែបន្ត បណ្តាលអោយកង្វះខាតការផ្គត់ផ្គង់ឧស្ម័ន ជាហេតុធ្វើអោយតម្លៃនៅលើទីផ្សារមានការកើនឡើង៕
