បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣ ខែមីនា ឆ្នាំ២០២២នេះ បានអោយដឹងថា មន្ត្រីរុស្សីបាននិយាយថាការហាមប្រាណមិនអោយអត្តពលិករុស្សី និងបេឡារុស ចូលរួមប្រកួតកម្មវិធីប៉ារ៉ាឡាំពិករដូវរងានៅទីក្រុងប៉េកាំងឆ្នាំ 2022 គឺ “ខុសច្បាប់” និងរំលោភលើគោលការណ៍បំបែកកីឡាចេញពីនយោបាយ។
គួរបញ្ជាក់ផងដែរនៅថ្ងៃព្រហស្បត្តិ៍នេះ គណៈកម្មាធិការប៉ារ៉ាឡាំពិកអន្តរជាតិ (IPC) បានធ្វើការប្រកាសហាមឃាត់មិនអោយអត្តពលិករុស្ស៊ី និងបេឡារុសចូលរួមប្រកួតនោះទេ។ ការប្រកាសនេះបានធ្វើឡើងតែមួយថ្ងៃមុនការចាប់ផ្តើមព្រឹត្តិការណ៍កីឡានៅទីក្រុងប៉េកាំង៕
