បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣ ខែមីនា ឆ្នាំ២០២២នេះ បានអោយដឹងថាខាងយោធារុស្សីបានបញ្ជាក់កាលពីថ្ងៃពុធថា ទាហានរុស្សីចំនួន ៤៩៨នាក់បានស្លាប់ ខណៈពេលដែលជិត ១៦០០នាក់ បានរងរបួសក្នុងអំឡុងប្រតិបត្តិការណ៍វាយលុកលើប្រទេសអ៊ុយក្រែន។
ក្នុងនោះមន្ត្រីក្រសួងការពារជាតិរុស្សីបានធ្វើការច្រានចោលនៅរបាយការណ៍របស់ខាងអ៊ុយក្រែន ដែលថាខាងរុស្សីមានអ្នកស្លាប់ និងរបួស “ច្រើនរាប់មិនអស់” នឹងចាត់ទុកការអះអាងនេះជាព័ត៌មានមិនពិត ដែលជាចេតនាចេញផ្សាយដោយសត្រូវ។
មន្ត្រីក្រសួងការពារជាតិរុស្សីខាងលើបន្ថែមថា ចំពោះការប៉ាន់ស្មានទ័ពអ៊ុយក្រែន និងកងកម្លាំងប្រដាប់អាវុធស្តាំនិយម អាចនឹងមានការបាត់បង់ជីវិតរហូតដល់ទៅ ២៨៧០នាក់ ខណៈរបួសប្រមាណ ៣៧០០នាក់។ ក្នុងនោះទាហានអ៊ុយក្រែនប្រមាណ ៥៧២នាក់ ត្រូវបានចាប់ខ្លួន៕
