បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី២ ខែមីនា ឆ្នាំ២០២២នេះ បានអោយដឹងថា ក្រុមហ៊ុន Google បានធ្វើការប្រកាសនៅថ្ងៃអង្គារ៍ថាខ្លួននឹងធ្វើការដកចេញនៅ App របស់សារព័ត៌មាន RT និង Sputnik ចេញពី Play Store។
ការដកចេញនេះ គឺជាសកម្មភាពមួយកាត់ផ្តាច់នៅសារព័ត៌មានដែលមានការឧបត្ថម្ភពីខាងរដ្ឋាភិបាលរុស្សី ចេញពី Google ដោយក្នុងនោះរួមទាំងមុខងារស្វែងរក ក៏ដូចជាធ្វើការបិទនៅ Channel YouTube របស់ពួកគេផងដែរ។
ក្រុមហ៊ុន Google សម្រេចចិត្តធ្វើរឿងមួយនេះនៅថ្ងៃតែមួយនឹងក្រុមហ៊ុន Apple ដែលបានដក App ទាំងពីនេះចេញពី Apple Store៕
