បរទេស៖ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២ ខែមីនា ឆ្នាំ២០២២នេះ បានអោយដឹងថា មានបុរសជនជាតិជប៉ុនជាច្រើននាក់ បានស្នើសុំដាក់ពាក្យធ្វើ “កងពលអន្តរជាតិពិសេសមួយ” ដើម្បីទៅជួយអ៊ុយក្រែនប្រយុទ្ធនឹងរុស្សី។
ក្នុងនោះលោក កៃអ៉ិឈិ គូរ៉ូហ្គិ ជាបុរសម្នាក់ក្នុងចំណោមបុរសជាច្រើននាក់ផ្សេងទៀត ដែលបានដាក់ពាក្យធ្វើកងទ័ពទៅជួយអ៊ុយក្រែន បានបញ្ជាក់ថា “នៅពេលដែលខ្ញុំបានឃើញរូបភាពមនុស្សចាស់ និងស្ត្រី នៅក្នុងប្រទេសអ៊ុយក្រែននាំគ្នាកាន់កាំភ្លើង ហើយធ្វើដំណើរទៅសមរភូមិ វាបានធ្វើឱ្យខ្ញុំមានអារម្មណ៍ថាខ្ញុំក៏គួរតែទៅជួយពួកគេដែរ”៕
