បរទេស៖ នេះបើយោងតាមការចេញផ្សាយរបស់សារព័ត៌មាន The Guardian នៅថ្ងៃទី២៦ ខែកុម្ភៈ ឆ្នាំ២០២២កន្លងទៅបានអោយដឹងថាវីដេអូនៃការដាក់ពង្រាយនៅអាវុធប្រភេទ TOS-1 នៅតាមព្រំដែនឆ្ពោះទៅអ៊ុយក្រែន។
ក្នុងនោះលោក Frederik Pleitgen ជាអ្នកសារព័ត៌មានបានបញ្ជាក់ថាអាវុធប្រភេទ TOS-1 នេះអាចបាញ់នៅគ្រាប់រ៉ុក្កែតបាន ដោយគ្រាន់តែបំពាក់នៅលើតួរថក្រោះ T-72។ លោកបន្ថែមទៀតថា វីដេអូនេះត្រូវបានថតបាននៅភាគខាងត្បូងក្រុង Belgorod ដែលមានចម្ងាយប្រហែល ៤៥ ម៉ាយពីក្រុង Kharkov ប្រទេសអ៊ុយក្រែន។
គួរបញ្ជាក់ថា អាវុធប្រភទនេះ ត្រូវបានប្រើប្រាស់ដំបូងក្នុងកំឡុងសង្គ្រាមសូវៀតនៅអាហ្វហ្គានីស្ថាន, សង្គ្រាមស៊ីវិលនៅស៊ីរី ។ វាអាចបាញ់ចេញនីក្បាលគ្រាប់ចំនួន ២ប្រភេទ រួមមានគ្រាប់ផ្ទុះ និងឥន្ធនៈផ្ទុះ៕
