បរទេស៖ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៥ ខែកុម្ភៈ ឆ្នាំ២០២២នេះ បានអោយដឹងថា លោកប្រធានាធិបតីអ៊ុយក្រែន វ៉ូឡូឌីមៀ ហ្សេលែនស្គី នឹងបន្តស្នាក់នៅក្នុងទីក្រុងកៀវទៀត ទោះដឹងថាកងទ័ពរបស់រុស្សី បានធ្វើការសម្រុកមកកាន់ទីក្រុងមួយនេះ។ ក្នុងនោះដែរ កងទ័ពរបស់អ៊ុយក្រែង ក៏កំពុងធ្វើការទប់ទល់យ៉ាងខ្លាំងខ្លា ផងដែរ។
ដោយក្នុងនោះប្រធានាធិបតីអ៊ុយក្រែន បាននិយាយថា “សត្រូវបានចាត់ទុកខ្ញុំ គឺជាគោលដៅទីមួយ… ហើយគ្រួសាររបស់ខ្ញុំ គឺជាគោលដៅទី ២។ ពួកគេចង់កម្ទេចប្រព័ន្ធនយោបាយអ៊ុយក្រែន ដោយការកម្ទេចប្រមុខរដ្ឋ។ ខ្ញុំនឹងស្នាក់នៅក្នុងរដ្ឋធានីនេះ។ គ្រួសាររបស់ខ្ញុំ ក៏ស្នាក់នៅអ៊ុយក្រែនផងដែរ”៕
