ថៃ៖ នេះបើយោងតាមការចេញផ្សាយរបស់សារព័ត៌មានបាងកកប៉ុស្តិ៍នៅថ្ងៃទី២៦ ខែតុលា ឆ្នាំ២០២១នេះបានបញ្ជាក់ថា រដ្ឋមន្ត្រីសុខាភិបាល បង្ហាញអំពីការរកឃើញនៅវីរុសកូវីដប្រភេទថ្មី “Delta Plus” ដែលជាមេរោគបំលែងខ្លួនពីប្រភេទ Delta។
ការរកឃើញនេះត្រូវបានរាយការណ៍ដោយលោក Chawetsan Namwat ប្រធានផ្នែកគ្រប់គ្រងគ្រោះថ្នាក់ និងសុខភាពរបស់ក្រសួងសុខាភិបាល ក្នុងអំឡុងពេលធ្វើសន្និសីទសារព័ត៌មានស្តីពីជំងឺរាតត្បាត។
លោកវេជ្ជបណ្ឌិត Chawetsan បាននិយាយថាមេរោគប្រភេទថ្មីនេះគេស្គាល់ថាជា AY.4.2 ត្រូវបានរកឃើញនៅក្នុងបុរសអាយុ 49 ឆ្នាំម្នាក់ដែលធ្វើការនៅតំបន់ Bang Sai របស់អយុធ្យាកាលពីខែមុន។ លោកបានបន្ថែមថា បុរសខាងលើមិនមានប្រវត្តិធ្វើដំណើរទៅកាន់តំបន់គ្រោះថ្នាក់ ឬនៅក្រៅប្រទេសនោះទេ។
លោកបាននិយាយថា អ្នកជំងឺបានជាសះស្បើយពីវីរុសនេះទាំងស្រុង ហើយមិនបានរកឃើញករណីថ្មីនោះទេ។ លោកបន្តថា ការធ្វើតេស្តចៃដន្យត្រូវបានធ្វើឡើងនៅពេលដែលមេរោគត្រូវបានរកឃើញដំបូង។ វា គឺជាករណី រកឃើញតែមួយគត់នៅក្នុងប្រទេសថៃ៕
ប្រភព៖ Bangkok Post
