ក្រុមហ៊ុនផលិតយន្តហោះគ្មានមនុស្សបើក(drone) DJI បានប្រកាសថាខ្លួនបានបណ្តេញនិយោជិតខ្លះរបស់ខ្លួនបន្ទាប់ពីរកឃើញករណីក្លែងបន្លំដែលអាចចំណាយអស់រាប់សិបលានដុល្លារ។ ក្រុមហ៊ុនចិនឯកជន ដែលជាអ្នកផលិតយន្តហោះគ្មានមនុស្សបើកធំជាងគេរបស់ពិភពលោក បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ការស៊ើបអង្កេតផ្ទៃក្នុងមួយបានរកឃើញថានិយោជិកបាន “ធ្វើឱ្យថ្លៃដើមនៃគ្រឿងបន្លាស់និងសម្ភារៈសម្រាប់ផលិតផលជាក់លាក់មួយកើនឡើងសម្រាប់ការរកប្រាក់ចំណូលផ្ទាល់ខ្លួន” ។ ឧបទ្ទវហេតុនេះបានចោទជាសំណួរអំពីការគ្រប់គ្រងហិរញ្ញវត្ថុរបស់ក្រុមហ៊ុនបច្ចេកវិជ្ជាល្បីល្បាញមួយរបស់ចិន ដែលលក់យន្តហោះគ្មានមនុស្សបើក(drone)រាប់ពាន់លានដុល្លារនៅជុំវិញពិភពលោកជារៀងរាល់ឆ្នាំ។
DJI បាននិយាយនៅក្នុងសេចក្តីថ្លែងការណ៍មួយថាខ្លួនបានទាក់ទងមន្ត្រីអនុវត្តច្បាប់អំពីករណីនេះ។ ក្រុមហ៊ុននេះបានឱ្យដឹងនៅក្នុងសេចក្តីថ្លែងការណ៍ថា: «យើងបន្តស៊ើបអង្កេតស្ថានការណ៍ហើយកំពុងសហការយ៉ាងពេញទំហឹងជាមួយនឹងការស៊ើបអង្កេតផ្នែកអនុវត្តច្បាប់»។
ប៉ូលីសនៅក្នុងទីក្រុង Shenzhen ដែលជាកន្លែងដែល DJI មានមូលដ្ឋានមិនបានឆ្លើយតបភ្លាមៗចំពោះសំណើសុំយោបល់។ DJI ដែលមានបុគ្គលិកប្រហែល 14.000 នាក់បានក្លាយជាក្រុមហ៊ុនបច្ចេកវិទ្យាមួយដែលទទួលបានជោគជ័យបំផុតនៅប្រទេសចិន ដោយត្រួសត្រាយផ្លូវទីផ្សារពិភពលោកចំពោះយន្តហោះគ្មានមនុស្សបើក(drone)។
នាយកប្រតិបត្តិក្រុមហ៊ុនលោក Frank Wang ក្នុងអំឡុងពេលសិក្សានៅសកលវិទ្យាល័យមួយនៅហុងកុងត្រូវបានគេដាក់ឈ្មោះ ថាមហាសេដ្ឋីយន្តហោះគ្មានមនុស្សដទៃដំបូងរបស់ Forbes ។ យោងតាមក្រុមហ៊ុនស្រាវជ្រាវឧស្សាហកម្ម Skylogic Research បានឱ្យដឹងថាបច្ចុប្បន្នក្រុមហ៊ុននេះបានដណ្ដើមជិត 3 ភាគ 4 នៃទីផ្សារយន្តហោះគ្មានមនុស្សបើក(drone)។
គូប្រជែងរបស់ខ្លួន GoPro បានបោះបង់ចោលទីផ្សារយន្តហោះគ្មានមនុស្សបើក កាលពីឆ្នាំមុន ដោយលើកឡើងពីភាពលំបាកជាមួយនិយតករនិងទីផ្សារប្រកួតប្រជែងខ្លាំង៕
