FC Barcelona នៅនេះបានប្រកាសថាប្រធានផ្នែកកីឡារបស់ក្លឹបគឺលោក Eric Abidal ក៏ត្រូវបានចាកចេញផងដែរ ពោលគឺមិនដល់ ២៤ ម៉ោងផងបន្ទាប់ពីលោក Quique Setien ត្រូវបានបណ្តេញចេញពីតំណែងជាគ្រូបង្វឹក ។
ក្លឹបបានផ្តល់ពត៌មានក្នុងសេចក្តីថ្លែងការណ៍មួយដែលសរសេរថា FC Barcelona និង Eric Abidal បានឈានដល់កិច្ចព្រមព្រៀងមួយក្នុងការដើរចេញពីកិច្ចសន្យាចាស់ ដោយមានទាំងការយល់ព្រមសងខាងរួចហើយផងដែរ។
គួរឲ្យដឹងដែរថាលោក Abidal គឺជាប្រធានផ្នែកកីឡាទី ៤ ហើយដែលបានចាកចេញពីក្លឹបចាប់តាំងពីឆ្នាំ ២០១៥ ហើយគាត់បានទៅមុនពេលដែលក្រុម Barcelona បានបញ្ជាក់ថានរណានឹងក្លាយជាអ្នកជំនួសលោក Setien បើទោះបីជាអ្វីគ្រប់យ៉ាងអាចបញ្ជាក់ច្បាស់ហើយថា គ្រូក្រុមជម្រើសជាតិហូឡង់លោក Ronald Koeman នឹងត្រូវមកជំនួសតំណែងនេះក្តី៕
ប្រែសម្រួល៖ ស៊ុនលី
