The Goal នៅថ្ងៃនេះបានសរសេរថាកីឡាករខ្សែប្រយុទ្ធកូឡំប៊ីដែលបានចូលរួមជាមួយនឹងក្លឹប Real Madrid តាំងពីឆ្នាំ២០១៤នោះបានសារភាពថាគាត់ពិតជាមានបំណងចង់ចាកចេញពីក្លឹបមែនប៉ុន្តែទោះយ៉ាងណាក្លឹបមិនអនុញ្ញាតិឲ្យគាត់ទទួលយកសំណើរណាមួយឡើយ។
កីឡាកររូបនេះក៏បានបញ្ជាក់ទៀតដែរថាគាត់ធ្លាប់ប៉ុនប៉ងក្នុងការចាកចេញពី Santiago Bernebeu ដែរកាលពីរដូវកាលមុនប៉ុន្តែបញ្ចប់ទៅត្រឹមក្លឹបបានបដិសេធមិនទទួលយក។៣ឆ្នាំដំបូងក្នុងការប្រកបអាជីពជាមួយនឹង Real Madrid កីឡាករបានទទួលការពេញចិត្តពេញថ្លើមខ្លាំងពីសំណាងគ្រូបង្វឹកប៉ុន្តែមកដល់រដូវកាលចុងក្រោយនេះគាត់បង្ហាញខ្លួនបានតែ៤១៩នាទីប៉ុណ្ណោះពីការប្រកួតលីគទាំង៨។
២ឆ្នាំចុងក្រោយ James បានត្រឹមជាកីឡាករខ្ចីជើងលេងជាមួយនឹងក្លឹប Bayern Munich ប៉ុណ្ណោះហើយពេលត្រលប់មករូមក្លឹបវិញ James គឺនៅតែបង្ហាញខ្លួនបានក្នុងចំនួនមានកំណត់ដដែលពោលគឺតែ១៤ដងប៉ុណ្ណោះគ្រប់ការប្រកួតរបស់ក្លឹប៕
ប្រែសម្រួល៖ Lee
