The Goal នៅថ្ងៃបានហ៊ានធ្វើការអះអាងកីឡាករជើងចាស់បារាំង Matuidik គឺបានត្រៀមរួចរាល់ហើយ ក្នុងការចុះកុងត្រាមកលេងជាមួយនឹងក្លឹប Inter Miami នៅលីគកំពូលអាមេរិក MLS ដោយក្នុងនោះការធ្វើតេស្តសុខភាព នឹងធ្វើឡើងក្នុងពេលឆាប់ៗនេះ។
កីឡាករខ្សែបម្រើរបស់ Juventus រូបនេះបច្ចុប្បន្នមានវ័យ៣៣ឆ្នាំទៅហើយ ហើយក៏ត្រូវបានក្លឹបប្រកាសអនុញ្ញាតិ ឲ្យគាត់អាចចាកចេញពីក្លឹប ដោយមិនមានតម្លៃខ្លួនឡើយទោះបីជាកុងត្រានឹងឈានមកដល់ក្នុងពេលឆាប់ៗនេះក្តី។
Matuidi គឺជាសមាជិកពានរង្វាន់ពិភពលោករបស់បារាំងកាលពីឆ្នាំ២០១៨ ហើយគាត់បានផ្ទេរមកដល់ Juventus កាលពីឆ្នាំ២០១៧ពីក្លឹបបារាំង PSG ដោយអាចបង្ហាញខ្លួនសរុបនៅអ៊ីតាលីចំនួន ១៣៣ដង និងរកគ្រាប់បាល់បាន ៨ដងផងដែរ៕
ប្រែសម្រួល៖ Lee
