នៅថ្ងៃនេះគ្រូបង្វឹកក្លឹបលោក Mikel Arteta បាននិយាយថា Arsenal នឹងត្រូវតែធ្វើការពង្រឹងតំបន់ការពារកណ្តាល របស់ខ្លួនបន្ថែមទៀត នៅបន្ទាប់ពីបានអះអាងថាកីឡាករ Shkodran Mustafi នឹងខកខានការប្រកួតរបស់ក្លឹប នាដើមរដូវកាលក្រោយដោយសាររបួស។
Mustafi បានទទួលរបួសកាំភួនជើងកាលពីចុងសប្តាហ៍កន្លងមកក្នុងព្រឹត្តិការណ៍ពានរង្វាន់ FA cup ក្នុងវគ្គពាក់កណ្តាលផ្តាច់ព្រ័ត្រ យកជ័យជំនះលើក្រុម Man City ដែលមានន័យថាក្លឹបនឹងត្រូវទៅប្រកួតវគ្គផ្តាច់ព្រ័ត្រ ប៉ះនឹងក្រុមតោខៀវ Chelsea។
ក្រោយពេលត្រូវបានក្រុមអ្នកកាសែតសួរបញ្ជាក់ថាតើកីឡាករ Mustafi នឹងត្រូវខកខានការប្រកួតដើមរដូវកាលក្រោយ ឬយ៉ាងណាលោក Mikel Arteta បាននិយាយថាច្បាស់ណាស់គាត់នឹងមិនអាចបង្ហាញវត្តមានបានឡើយ ហើយកីឡាករខ្សែការពារក្នុងបញ្ជីរបួសផ្សេងទៀតមានដូចជា Pablo Mari និង Calum Chambers ផងដែរ៕
ប្រែសម្រួល៖ Lee
