ខ្សែបម្រើរបស់ក្លិប Fiorentina កីឡាករ Gaetano Castrovilli បានធ្វើការច្រានចោល ទំហំទឹកប្រាក់ ៤៥លានផោន ក្នុងការផ្លាស់ទៅកាន់ Tottenham Hotspur និង Borussia Dortmund ។
Tuttomercatoweb បានធ្វើការចុះផ្សាយថា Gaetano Castrovilli ត្រូវបានក្លិប Tottenham Hotspur និង Borussia Dortmund ចាប់អារម្មណ៍ តាំងពីមុនកូវីដ១៩ បានរីករាលដាល។
ទោះបីជាយ៉ាងណា សាមីខ្លួនបានធ្វើការច្រានចោល ចំពោះសំណើរក្លិបទាំងពីរ ក៏ព្រោះតែគាត់មានបំណងមិនចង់ទៅលេងនៅទីណា ក្រៅពីទឹកដីអ៊ីតាលី។
កីឡាករអាយុ ២៣ឆ្នាំរូបនេះ រកបាន ៣គ្រាប់ និងបោះបាល់ឲ្យមិត្តរួមក្រុមសម្រេចទី បាន ២លើក ក្នុងចំណោម ២៤ប្រកួត នារដូវកាលនេះ នឹងបានបង្ហាញខ្លួនតាំងពីខែវិច្ឆិកា ឆ្នាំទៅ។គាត់បានចុះកុងត្រាថ្មីជាមួយក្លិប តាំងពីដើមរដូវកាលនេះ ដោយបន្តលេងជាមួយក្លិបខាងលើរហូតដល់ឆ្នាំ ២០២៤ ៕
