ក្នុងពេលដែល Premier League មិនទាន់អាចដំណើរការវិញបាននៅឡើយប៉ុន្តែគ្រូបង្វឹកក្លឹបហង្សក្រហម Liverpool លោក Jurgen Klopp បានធ្វើការសន្យាទៅកាន់អ្នកគាំទ្រក្លឹបថាពួកគេនឹងមានឱកាសដើម្បីអបអរក្លឹបសម្រាប់ការលើកពានរង្វាន់អង់គ្លេសសាជាថ្មីក្នុងប្រវត្តិសាស្ត្ររដូវកាលនេះ។
លោក Klopp បានប្រកាសបែបនេះក្នុងន័យថាអ្នកគាំទ្រនឹងត្រូវរងចាំបន្តិចរហូតដល់គ្រប់គ្នាមានសុវត្ថិភាពខ្ពស់ពីជំងឺឆ្លងកូវីដ១៩ដើម្បីធ្វើពិធីហែរក្បួនឲ្យអស្ចារ្យដូចម្ចាស់ជើងឯកគ្រប់រដូវកាលមុនៗដែរ។លោក Klopp បាននិយាយបែបនេះថា៖ខ្ញុំអាចសន្យាថាប្រសិនពេលយើងក្លាយជាម្ចាស់ពានលីគកំពូលអង់គ្លេសរដូវកាលនេះហើយនោះក្លឹបនឹងរៀបចំក្បួនដង្ហែរដ៏អាធឹកអាធមមួយជាមិនខាន។
ប៉ុន្តែលោកបានបញ្ជាក់ដែរថាទោះបីជាមិនបានអាចកំណត់ទុកបានថាពេលណាឡើយមកដល់ពេលនេះ។គួរបញ្ជាក់ដែរថាគិតមកដល់ពេលនេះ Liverpool មានពិន្ទុដាច់ក្រុមលេខរៀងទី២មេឃខៀវ Man City ដល់ទៅ២៥ពិន្ទុហើយការប្រកួតដែលនៅសេសសល់មានតែ៩ប្រកួតទៀតប៉ុណ្ណោះពេលរដូវកាលត្រឡប់មកវិញ៕
ប្រែសម្រួល៖Lee
