កីឡាករ Frank Lampard បានប្តេជ្ញាថានឹងធ្វើការកែប្រែសម្រាប់ក្រុមតោខៀវ ក្នុងខែមករា ក្នុងទីផ្សារដោះដូរ ដោយសង្ឈឹមថា នឹងធ្វើឲ្យក្រុមជើងខ្លាំងនេះវិលមកចំណុចដ៏ល្អប្រសើរ ។
ពហុកីឡដ្ឋាន Stamford Bridge ត្រូវបានហាមឃាត់មិនឲ្យទិញចូលកីឡាករ កាលពីរដូវកាលមុន ដោយ FIFA បានដាក់ទណ្ឌកម្មដល់ក្លិបពីបទរំលោភច្បាប់ទាក់ទង ការនាំចូលកីឡាករ វ័យក្មេង ។
ទោះជាហាមមិនឲ្យទិញដូរតែ Lampard បានចាប់អារម្មណ៍ក្នុងការប្រើប្រាស់កីឡាករវ័យក្មេង ដែលស្ថិតក្នុងថ្នាល របស់ក្លិប តែទោះជាយ៉ាងណាគាត់ចង់បន្ថែមនូវអ្វីដែលកាន់តែអស្ចារ្យ ដើម្បីឲ្យប្រព័ន្ធលេងរបស់លោក ពោរពេញដោយសក្តានុពល។
អតីតខ្សែបម្រើរូបនេះបានប្រាប់ទស្សនាវដ្តីផ្លូវការរបស់ក្លិបថា“ ខ្ញុំពិតជារំភើបណាស់ចំពោះក្រុមរបស់យើងដែលមាកីឡាករវ័យក្មេង ប្រសិនបើយើងអាចទទួលបានការបន្ថែមមួយចំនួនសម្រាប់តំបន់ដែលខ្ញុំគិតថាយើងត្រូវការ វាកាន់តែល្អ” ។
ក្រុមតោខៀវបានផ្សាភ្ជាប់ការចុះហត្ថលេខារបស់កីឡាករ Hakim Ziyech ពីក្លិប Ajax ក្នុងតម្លៃ ៣៣ លានផោនរួចទៅហើយប៉ុន្តែខ្សែប្រយុទ្ធ Philippe Coutinho របស់ក្លឹប Barcelona និងខ្សែប្រយុទ្ធ RB Leipzig គឺ Timo Werner កំពុងត្រូវបានផ្សារភ្ជាប់ជាមួយនឹងក្លិបផងដែរ។ខណៈដែល Willian និង Pedro ក៏គ្រោងនឹងចាកចេញពីក្លឹបនៅរដូវក្តៅនេះ។
ក្រុមតោខៀវបច្ចុប្បន្នឈរនៅលេខរៀងទី ៤ ក្នុងក្របខណ្ឌ Premier League មុនការចាប់ផ្តើមឡើងវិញនៅថ្ងៃទី 17 ខែមិថុនា ៕
