ខ្សែបម្រើសញ្ជាតិស៊ុយអ៊ែត កីឡាករ Dejan Kulusevski បានជ្រើសរើសក្លិប Juventus ក៏ព្រោះតែបច្ចេកទេសដឹកនាំរបស់លោក Maurizio Sarri ហើយកីឡាករវ័យក្មេងនេះ ក៏បានធ្វើការកោតសរសើរចំពោះ Eden Hazard, Kevin de Bruyne និង Zlatan Ibrahimovic ដោយចង់ក្លាយជាកីឡាករល្អដូចពួកគេ។
កីឡាករអាយុ ២០ឆ្នាំនេះ បានផ្ទេរពី Atalanta ទៅ Juventus ក្នុងតម្លៃ ៣៥ លានអឺរ៉ូ និងប្រាក់លើកទឹកចិត្ត ៩លានអឺរ៉ូផងដែរ តែត្រូវបានក្លិប Parma ខ្ចីជើងទៅលេង រហូតចប់រដូវកាលនេះ។
ថ្លែងប្រាប់ Sky Sport Italia លោកថា អ្នករាល់គ្នានៅ Parma បានជួយខ្ញុំធ្វើការឲ្យល្អ បុគ្គលិកនិងគ្រូបង្វឹកបានជួយខ្ញុំ ដោយលើកថាបើខ្ញុំខំហ្វឹកហាត់ ខំលេង វានឹងល្អ។
ហេតុផលមួយក្នុងចំណោមហេតុផលដែលខ្ញុំជ្រើសរើសយក Juventus គឺជាទិដ្ឋភាពយុទ្ធសាស្ត្រ។ ខ្ញុំបានសិក្សាវិធីសាស្រ្ត Maurizio Sarri ហើយខ្ញុំគិតថាខ្ញុំអាចធ្វើបានយ៉ាងល្អនៅក្នុងក្រុមរបស់គាត់។
កីឡាករដែលខ្ញុំចូលចិត្តជាងគេគឺ Eden Hazard ខ្ញុំបានមើលការប្រកួតរបស់គាត់ទាំងអស់ដូច្នេះខ្ញុំគិតថាខ្ញុំអាចដើរតួនាទីដែលគាត់មាននៅ Chelsea ។
លោកបានបន្តថា Kevin de Bruyne ក៏ជាកីឡាករខ្ញុំចូលចិត្តផងដែរ ។គាត់មានភាពអស្ចារ្យហើយខ្ញុំចង់ក្លាយដូចជាគាត់ ។
កីឡាករខាងលើ ក៏បានលើកឡើងពី Cristiano Ronaldo ដោយលោកបាននិយាយថា វាជាក្តីសុបិនក្នុងការលេងឱ្យក្រុម Juventus រួមជាមួយមនុស្សដូចជា Cristiano Ronaldo ប៉ុន្តែខ្ញុំនឹងទៅទីនោះដើម្បីបង្ហាញថាខ្ញុំជាកម្មសិទ្ធិរបស់ពួកគេ។
ក្រៅពីនេះលោកក៏បានលើកពីជនរួមជាតិរបស់ខ្លួនថា Zlatan Ibrahimovic ដែលបានផ្លាស់ប្តូរប្រទេសស៊ុយអែត និង ក្លាយជានិម្មិតរូប ។ គាត់តែងតែលើកឡើងថា គ្មានអ្វីមិនផ្លាស់ប្តូរ ដោយគាត់តែងតែសន្យាចំពោះខ្លួនគាត់ ៕
