Manchester United កំពុងពិចារណា ក្នុងការចុះហត្ថលេខាយក កីឡាករម្នាក់ទៀតរបស់ Sporting Lisbon ដែលជាខ្សែការពារឡើងកូដ ផ្នែកខាងស្តាំNuno Mendes ។ នេះបើយោងតាម ដេលីម៉េលបានចុះផ្សាយ។
កីឡាករអាយុ ១៧ឆ្នាំរូបនេះ ថ្វីបើមិនទាន់បានបង្ហាញខ្លួនក្នុងនាមជាកីឡាករជម្រើសជាតិព័រទុហ្កាល ប៉ុន្តែគាត់បានក្លាយជាគោលដៅរបស់ក្លិបធំៗ នៅអឺរ៉ុបរួចរាល់ហើយ។Man Utd ជាក្លិបមួយ ដែលកំពុងត្រូវការចាំបាច់ផងដែរ ក្នុងតំបន់ការពារ ដោយកំពុងសម្លឹងមិត្តរួមក្រុមរបស់ Bruno Fernandes ហើយ Nuno Mendes គួរតែដើរតាមក្រោយ ទៅកាន់ទឹកដីអូត្រាហ្វត ។
សារព័ត៌មានក្នុងប្រទេសអេស្ប៉ាញបានចុះថា ក្លិបនៅអង់គ្លេសបិសាចក្រហម កំពុងសង្ឈឹមចុះហត្ថលេខាយក Mendes ក៏ដូចជា Fernandes ក្នុងរយៈពេលដូចគ្នា។
ថ្វីបើមិនទាន់បានដាក់សំណើរសុំ តែកីឡាករអាយុ ១៧ឆ្នាំ កំពុងទទួលបានការចាប់អារម្មណ៍ ពីសំណាក់ក្លិបជាច្រើន។ ថ្វីបើមិនទាន់បានបង្ហាញខ្លួនជាកីឡាករជាន់ខ្ពស់ តែគាត់នឹងអាចទទួលបានតម្លៃខ្លួនដ៏ខ្ពស់មួយពីក្រុម ដែលមានមូលដ្ឋាននៅអូត្រាហ្វត។
ប្រធានផ្នែកកីឡាលោក Frederico Varandas បានសារភាពថា កីឡាករខាងលើត្រូវបានក្លិបជាច្រើនសាកសួរ ដែលលោកកំពុងវាយតម្លៃខ្ពស់។លោកបានប្រាប់ Canal 11 ក្នុងសប្តាហ៍នេះថា “គាត់ជាខ្សែការពារស្លាបឆ្វេងឆ្នើមជាងគេនៅអឺរ៉ុប”៕
