អតីតកីឡាករខ្សែប្រយុទ្ធឆ្នើមដ៏ល្បីល្បាញរបស់ក្លឹប Bayern Munich គឺលោក Roy Makaay នៅថ្ងៃនេះបានធ្វើការលើកសរសើរយ៉ាងខ្លាំងចំពោះទំរង់លេងរបស់កីឡាករ Robert Lewandowski បន្ទាប់ពីកីឡាកររូបនេះបានជួយឲ្យក្រុមយកឈ្នះ Union Berlin កាលពីថ្ងៃអាទិត្យកន្លងមក។
បុរសវ័យ៤៥ឆ្នាំសញ្ជាតិហូឡង់រូបនេះធ្លាប់ស៊ុតបញ្ចូលទីដល់ទៅ៧៨គ្រាប់ក្នុងការបង្ហាញខ្លួននៅលីគកំពុលBundesligaទាំង១២៩ជូនBayern Munichបានបញ្ជាក់ទៀតថាកីឡាករប៉ូឡូញនេះពិតជាបានធ្វើឲ្យមានឥទ្ធិពលខ្លាំងសម្រាប់តំណែងប្រយុទ្ធនៅក្លឹប។
លោកMakaayនិយាយថាLewandowskiជាកីឡាករខ្សែប្រយុទ្ធលំដាប់ពិភពលោក។គាត់មានគ្រប់សព្វជាខ្សែប្រយុទ្ធដ៏ល្អ។ជារៀងរាល់រដូវកាលគាត់រកគ្រាប់បាល់បានច្រើនជាង២០គ្រាប់រហូតមកហើយអ្វីដែលពិតជាគួរឲ្យសប្បាយចិត្តសម្រាប់ក្លឹបនោះគឺថាកីឡាកររូបនេះបានផ្ទេរមកដល់ទីនេះកាលពីឆ្នាំ២០១៤គឺមិនមានតម្លៃខ្លួនឡើយ៕
ប្រែសម្រួល៖Lee
