អ្នកចាំទីអធិរាជស លោក Thibaut Courtois បានទទួចថា ក្លិប Real Madrid នៅតែស្ថិតក្នុងការប្រកួតប្រជែងដណ្តើមពាន ។ នេះបើតាមការចុះផ្សាយរបស់ ដេលីម៉េល ។
ក្លិបនៅអេស្ប៉ាញបានទទួលភ្លើងខៀវ ក្នុងការចាប់ផ្តើម ហ្វឹកហាត់ នៅសប្តាហ៍នេះ ក្រោយខកខាន លេងពីរខែកន្លងមក ដោយសារតែកូវីដ១៩ បានវាយលុក ដែលធ្វើឲ្យបាល់ទាត់ បានផ្អាក នៅទូទាំងអឺរ៉ុប ។
អ្នកចាំទីខាងលើបានប្រាប់ Real Madrid TV ថា អ្នករាល់គ្នាកំពុងទន្ទឹងរងចាំការចាប់ផ្តើមប្រកួតលីក La Liga ឡើងវិញ ហើយយើងកំពុងព្យាយាមប្រជែងយកពាន ។
តាមរយៈវីដេអូបង្ហាញនៅលើធ្វីតទ័រ លោកថា លោកមិនអាចទន្ទឹងរងចាំបានទេ ក្នុងការចាប់ផ្តើម ហ្វឹកហាត់ បន្ទាប់អាកខានពីរខែមកនេះ ។ លោកថា អ្នកចាំទីហាក់មានសំណាងល្អ ជាងគេ ក៏ព្រោះបានហ្វឹកហាត់ដោយផ្ទាល់ជាមួយ គ្រូបង្វឹក ។ តែសប្តាហ៍នេះ អាចនឹងឲ្យមានការហ្វឹកហាត់ជាលក្ខណៈក្រុមតូចៗ ។
បញ្ជាក់ផងដែរថា ក្លិបអធិរាជស បច្ចុប្បន្នមានពិន្ទុ ៥៦ ខណៈ Barcelona មាន ៥៨ពិន្ទុ ក្នុងចំណោម ២៧ ប្រកួតដូចគ្នា ៕
