កាសែតអង់គ្លេស The Sun បានចេញផ្សាយនៅថ្ងៃនេះក្លឹបយក្សជើងឯកអ៊ីតាលីច្រើនសម័យ Juventus ត្រូវបានគេដឹងថាបានបដិសេធសំណើរ ជាទឹកប្រាក់ប្រមាណជា ៦៦លានផោនពីក្លឹប Barcelon សុំទិញខ្សែការពារវ័យក្មេង De Ligt។
កីឡាករហូឡង់វ័យ ២០ឆ្នាំរូបនេះ គឺជាគោលដៅជាយូរណាស់មកហើយ តាំងតែពីមុនពេលផ្ទេរមកទឹកដី Turin ប្រទេសអ៊ីតាលីពីក្លឹប Ajax។ ផ្ទេរមកដល់ទឹកដីអ៊ីតាលីមិនទាន់បានមួយរដូវកាលផង Barcelona នៅតែមិនបោះបង់កីឡាកររូបនេះឡើយ ហើយសង្ឃឹមថានឹងអាចចរចានាំយករូបគាត់បាននារដូវក្តៅនេះ។
ទោះបីជាមិនអាចបំពេញតំណែងជាខ្សែការពារល្អខ្លាំងជូនក្លឹប ក្តីប៉ុន្តែចំពោះការរស់នៅវិញ De Ligt និងមិត្តស្រីពិតជារីករាយក្នុងការរស់នៅទីនេះខ្លាំងណាស់ ហើយមិនទាន់មានបំណងចង់ចាកចេញនៅឡើយ៕
ប្រែសម្រួល៖Lee
