Nasser Al-Khelaifi ប្រធានក្លិបរបស់ PSG បានសរសើរចំពោះតារាបាល់ទាត់របស់ Juventus គឺ Cristiano Ronaldo ។
ជាប្រធានក្រុមហ៊ុន Qatar Sports បានធ្វើការប្រៀបផ្ទឹមគ្នា រវាង Ronaldo និងការចុះ ហត្ថលេខាដ៏ធំ ពីអតីតកាលជាមួយ David Beckham និង Zlatan Ibrahimovic ខណៈដែលលោកបានសាទរចំពោះភាពស្រេកឃ្លានជោគជ័យរបស់ តារាបាល់ទាត់ព័រទុហ្កាល ។
គាត់បានប្រាប់ France Football ថា គាត់ (CR7) នៅតែមានកំលាំងចិត្ត ជាមួយឆន្ទះ កែលម្អខ្លួនរាល់ថ្ងៃ ហើយតែងតែរកិលនៃកម្រិតរបស់គាត់ទៅមុខ ។ខ្ញុំពិតជាកោតសរសើរឆន្ទៈឥតឈប់ឈរ របស់គាត់។គាត់គឺជាគំរូដ៏ល្អសម្រាប់អត្តពលិកទាំងអស់នាពេលអនាគត។
PSG ក៏មានចំណាប់អារម្មណ៍ដើម្បីចុះហត្ថលេខាយក Ronalod ថ្វីបើគាត់មានអាយុ ៣៥ឆ្នាំ ហើយកុងត្រារបស់គាត់នៅសល់ពីរឆ្នាំទៀត ជាមួយពហុកីឡដ្ឋាន នៅទីក្រុងតូរីន។
Al-Khelaifi បាននិយាយពីកីឡាករពីរូប ដែលមានកេរ្តិ៍ឈ្មោះល្បីល្បាញ ដែលធ្វើឲ្យមានឥទ្ធិពលដល់ក្លិប ហើយ Ronaldo ក៏ប្រហែលគ្នាដែរ។
លោកថា ខ្ញុំនៅតែអាចឆ្លុះបញ្ចាំងពីពេលវេលារបស់ Zlatan Ibrahimovic មានចរិកជាអ្នកដឹកនាំ មានភាពទាក់ទាញ និង សមត្ថភាព ក្នុងការសម្រេច។ គាត់អាចទុកចិត្តបាន ហើយក៏ដឹងពីវិធីទប់ទល់នូវឧបសគ្គ។
និយាយពី David Beckham ថ្វីបើបាននៅជាមួយ PSG ក្នុងរយៈពេលខ្លី តែគាត់មានឥទ្ធិពលក្នុងការផ្លាស់ប្តូរក្លិបរបស់យើង។ គាត់តែងតែវិនិយោគទៅលើការហ្វឹកហាត់ ការបណ្តុះបណ្តាល ការព្រួយបារម្ភរបស់គាត់ចំពោះការអនុវត្តន៍ ដើម្បីភាពជោគជ័យ ហើយចូលចិត្តធ្វើការជាក្រុម និងលក្ខណៈផ្តល់មកពីធម្មជាតិរបស់គាត់ គឺមានតម្លៃបំផុត។
ចំណែក Ronaldo វិញលោកថា មានកេរ្តិ៍ឈ្មោះល្បីល្បាញ ដោយសារតែអាជីបរបស់គាត់ ហើយចង់លេងឲ្យបានយូរអង្វែង ឲ្យតែរាងកាយរបស់គាត់សាកសម នឹងទទួលបន្ត។
Ronaldo ត្រូវបានគេមើលឃើញពីគោលដៅបន្ទាប់ របស់គាត់ ខណៈដែលកុងត្រាជាមួយក្លិបយក្សអ៊ីតាលី ជិតឈានដល់ទីបញ្ចប់៕
