ក្លិប Leicester នៅតែសង្ឈឹមថា Caglar Soyuncu អាចនឹងបន្តកុងត្រាថ្មី ជាមួយក្លិប ទោះបីជាភ្នាក់ងាររបស់គាត់ព្យាយាម ទាក់ទងឲ្យចាកចេញទៅកាន់ ហង្សក្រហម ឬ ក្លិប អ្នកមានបុណ្យ បាសេឡូណា។
ខ្សែការពាររូបនេះ ជាកីឡាករដ៏សំខាន់ម្នាក់ ដែលលេងបានល្អនៅលីកកំពូលអង់គ្លេស មុនវីរុសកូវីដ១៩ បានវាយលុក ឲ្យបាល់ទាត់ផ្អាកការប្រកួត។ ឥលូវនេះអតីតភ្នាក់ដោះដូររបស់គាត់ លោក Mustafa Dogru ដែលបានព្យាយាមចរចារSoyuncu ចេញពី Freiburg មកកាន់ Leicester នារដូវកាល ២០១៨ ហើយភ្នាក់ងាររូបនេះ បានអះអាងថា ពេលនេះ ក្រុម Barcelona កំពុងចាប់អារម្មណ៍ កីឡាករអាយុ ២៤ឆ្នាំរូបនេះ។
Soyuncu បច្ចុប្បន្នតំណាងឲ្យក្រុម Arena 11 Sports ដែលមានមូលដ្ឋាននៅក្បែរទីក្រុងម៉ូនិក ដែលមានដៃគូរបស់គាត់ Sadio Mane និង Naby Keita ហើយមានអតិថិជន ដ៏ល្អ គឺ Marc-Andre ter Stegen ផងដែរ។
ថ្លែងប្រាប់ AS លោក Mustafa Dogru បានលើកឡើងថា វានឹងអាចទៅរួច ដែលក្លិប Barcelona អាចចុះហត្ថលេខាយក Caglar នារដូវកាលនេះ ដោយពួកគេធ្លាប់បានព្យាយាមចុះហត្ថលេខា យកពីក្លិប Altinordu របស់តួគី មុនពេលសាមីខ្លួនបានសម្រេច មកលេងនៅ Freiburg ក្នុងឆ្នាំ ២០១៦។
Liverpool គឺជាក្រុមតែមួយគត់ក្នុង Premier League ដែលអាចចុះហត្ថលេខារូបគេប៉ុន្តែ Paris Saint-Germain ក៏អាចជាជម្រើសមួយផងដែរ។
ទោះបីជាយ៉ាងណា សាមីខ្លួនបានលើកឡើងថា លោកគ្មានបំណងចាកចេញពីកីឡដ្ឋាន King Power ទេ។ នៅក្នុងបទសម្ភាសន៍កាលពីខែមេសាគាត់បាននិយាយថា“ ខ្ញុំមិនគិតថាវាជាការត្រឹមត្រូវទេដែលត្រូវទៅកន្លែងណាមួយឥឡូវនេះ។ ខ្ញុំមានរដូវកាលល្អ។ សំខាន់បំផុតខ្ញុំនៅមានអ្វីជាច្រើនដែលត្រូវរៀន ‘៕
