Fabio Capello បានទទួចថា កីឡាករ Erling Haaland «ពិតជាល្អ» សម្រាប់ហង្សក្រហម ហើយលោក Jurgen Klopp អាចនឹងចរចាធ្វើឲ្យកីឡាករសញ្ជាតិន័រវ៉េសនេះ កាន់តែល្អប្រសើរ។
ខ្សែប្រយុទ្ធន័រវែសរូបនេះបានរកគ្រាប់បាល់បញ្ចូលទីនិងជួយដល់ក្រុម Dortmund របស់ពួកគេជាមួយនឹងជ័យជម្នះ ៤-០ លើក្រុម Schalke ។
ភាពខ្លាំងរបស់ Haaland គឺបានបង្ហាញយ៉ាងពេញទំហឹង តាមរយៈការស្វែងរកគ្រាប់បាល់ ដែលមិនគួរឲ្យជឿ រហូតដល់ទៅ ៤១គ្រាប់ ក្នុងចំណោម ៣៤ប្រកួត។
ជាមួយចំណុចខ្លាំងនេះដែរ អតីតគ្រូបង្វឹកក្លិប Juventus លោក Fabio Capello បានលើកឡើងថា Premier League គឺសាកសមនឹងចរិកលក្ខណៈរបស់តារាបាល់ទាត់រូបនេះ។
លោកថា Liverpool ជាកន្លែងដែលល្អ សម្រាប់ Erling Haaland។ លោកបន្ថែមថា ជាមួយល្បឿន វិធីសាស្ត្រលេងរបស់កីឡាករ ហើយបូករួមជាមួយ សមត្ថភាពបង្វឹករបស់លោក Klopp អាចជាការរួមបញ្ចូលគ្នាដ៏ល្អឥតខ្ចោះ។
លោកបានបន្ថែមថា ក្រោមការដឹកនាំរបស់ Klopp តារាបាល់ទាត់ច្រើនណាស់ ដែលគេទទួលស្គាល់ទាំងនៅលើពិភពលោក និងពានអឺរ៉ុប ដែលជាក់ស្តែង Mohammed Sala ដែលឆ្លងកាត់ការលេងនៅ Roma និង តោខៀវ ហើយត្រូវបានហង្សក្រហមយកមក បានក្លាយជាអ្នកដែលរកគ្រាប់បាល់បានច្រើនជាងគេ នៅរដូវកាល 2017-18 នៃលីកកំពូលអង់គ្លេស។
វាពិបាកស្រមៃណាស់ ដែល Erling Haaland អាចរកបាន ៥០គ្រាប់នៅរដូវកាលនេះ ទោះបីជាផ្លាស់ពី RB Salzburg កាលពីខែមករា ដោយទទួលបានការចាប់អារម្មណ៍ខ្លាំង នៅ Champions League ។
