នៅថ្ងៃនេះកីឡាករល្បីៗរបស់ក្លឹបបិសាចក្រហម Man United ជាច្រើនរូបត្រូវបានគេមើលឃើញថាធ្វើដំណើរមកដល់ទីលានហ្វឹកហាត់វិញហើយមុនពេលដែលកាលកំណត់វិលត្រឡប់នៃលីគកំពូលអង់គ្លេសត្រូវបានប្រកាសជាផ្លូវការ។
ខ្សែប្រយុទ្ធ Marcus Rashford ,ខ្សែបម្រើ Paul Pogba ព្រមទាំងអ្នកចាំទី David De Gea គឺស្ថិតក្នុងចំណោមកីឡាករល្បីៗរបស់ក្លឹបដែលបានមកដល់ទីលាន Carrington។The Sunsports ជឿជាក់ថាកីឡាករទាំងអស់ត្រូវបានរក្សាទុក១៥នាទីដើម្បីត្រួតពិនិត្យសុខភាពដែលជាផ្នែកមួយនៃការអនុវត្តគោលការណ៍សុវត្ថិភាព។
ទោះបីជាយ៉ាងណាក្តីគេជឿជាក់មានកីឡាករប្រមាណតែជា៩នាក់ប៉ុណ្ណោះដែលបានធ្វើដំណើរមកដល់ទីលានហ្វឹកហាត់នៅថ្ងៃនេះហើយក្រោយបានបន្តមានវត្តមាននៅទីនេះបានមួយរយៈខ្លីក៏ចាកចេញទៅវិញផងដែរ៕
ប្រែសម្រួល៖Lee
