នៅថ្ងៃចន្ទនេះជាពេលវេលាត្រឡប់មកវិញជាផ្លូវការសម្រាប់កីឡាករទាំងអស់នៅលីគកំពូលអង់គ្លេស Premier League ហើយក៏ជាថ្ងៃដើម្បីអនុញ្ញាតិឲ្យពួកគេធ្វើការបោះឆ្នោតថាតើពួកគេចង់ត្រឡប់មកប្រកួតវិញឬមិនទាន់ចង់។
ប៉ុន្តែក្នុងពេលដែលមកជួបជុំគ្នាលើកនេះ Premier League បានត្រៀមឧបករណ៍ធ្វើតេស្តរកកូវីដ១៩ដល់ទៅរាប់រយរួចជាស្រេចហើយដើម្បីតេស្តកីឡាករទាំងអស់។តាមពិតការធ្វើតេស្តបានធ្វើឡើងម្តងដែររួចហើយពេលដែលកីឡាករបានទទួលឧបករណ៍និងធ្វើតេស្តដោយខ្លួននៅផ្ទះហើយលទ្ធផលនឹងបង្ហាញប្រាប់នៅថ្ងៃចន្ទនេះ។
គួរបញ្ជាក់ដែរបើផែនការនឹងមិនមានអ្វីប្រែប្រួលហើយកីឡាករក៏យល់ព្រមក្នុងការវិលត្រឡប់មកប្រកួតវិញដែរនោះក្លឹបទាំងអស់នឹងចាប់ផ្តើមធ្វើការហ្វឹកហាត់ជាផ្លូវការដោយបែកចែកជាក្រុមកីឡាករតូចៗយ៉ាងហោចណាស់៥នាក់ចាប់ពីសប្តាហ៍នេះតទៅចំណែកឯកាលកំណត់ត្រឡប់របស់Premier Leagueគឺអាចជាថ្ងៃទី១២ខែមិថុនាឬ១៩មិថុនា៕
ប្រែសម្រួល៖Lee
