Barcelona គួរតែនឹងបំភ្លេចកីឡាករ Lautaro Martinez នឹងដេញតាមស្រវ៉ាចាប់យកកីឡាករ Roberto Firmino របស់ក្លិបហង្សក្រហម ដែលនេះជាការទទួចរបស់អតីកីឡាករ នៅពហុកីឡដ្ឋាន Nou Camp គឺ Bojan Krkic ដែលធ្លាប់ព្រមានប្រឆាំងនឹងការចុះហត្ថលេខាមិនត្រឹមត្រូវដូច Antoine Griezmann ។
ជាមួយអ្វីដែលធ្លាប់លើកឡើងថា ពេលនេះ Bojan Krkic នៅតែបន្តលើកឡើងថា ពួកគេគួរដេញតាមច្បាមយក Roberto Firmino ជំនួស Lautaro Martinez វិញប្រសើរជាង។
ក្រុមកាតាឡាន កំពុងពិចារណាវែងឆ្ងាយដើម្បីយក កីឡាករមកលេងតំបន់ប្រយុទ្ធក្នុងរយៈពេលយូរ ដើម្បីជំនួសតំណែង Luis Suarez ដែលមានវ័យជ្រេ ដល់ ៣៣ឆ្នាំ និង ជម្រើស កីឡាករក្នុងតំបន់វាយប្រហារច្រើនទៀត បន្ទាប់ពីពួកគេមិនជោគជ័យ ក្នុងការទិញកីឡាករ Ousmane Dembele និង Griezmann មិនទទួលបានការចាប់អារម្មណ៍។
Lautaro Martinez បានធ្វើឱ្យពួកគេចាប់អារម្មណ៍ ខណៈដែលបង្ហាញខ្លួនលេងនៅ Inter Milan ហើយជាគោលដៅដែល Barca កំពុងចង់បានដូចគ្នា។តែទោះជាយ៉ាងណា Bojan បានស្នើសូមដាក់ជម្រើសមួយទៀត។
ខ្សែប្រយុទ្ធ Montreal Impact បានលើកឡើងថា ជាធម្មតា Inter គេមិនបានផ្តួចផ្តើមគំនិតទេ ហើយខ្ញុំគិតថា វាមិនមែនជារឿងងាយស្រួលសម្រាប់ Lautaro Martinez មកកាន់កាប់ តំបន់លេងនេះបាននោះទេ។
ប្រសិនបើតាមខ្ញុំ គឺខ្ញុំឲ្យជ្រើសរើស កីឡាករ Roberto Firmino ជាកីឡាករដែលលេង មានតំបន់តភ្ជាប់ខ្លាំង ។ ហើយការបកស្រាយនេះ មិនមែនខ្ញុំ ចង់បដិសេធ មិនឲ្យក្លិបចុះ ហត្ថលេខា យក Lautaro Martinez នោះទេ អ្វីៗគាត់ល្អ ប៉ុន្តែជារឿងមិនអាចទៅរួច ហើយវានឹងអាចកើតមានឡើងដូចការចុះហត្ថលេខាយក Griezmann ក្រោយមកត្អួញត្អែរថា មិនដំណើរការ ។
Firmino បច្ចុប្បន្នរកបាន ៨គ្រាប់ ក្នុងចំណោម ២៩ប្រកួត នៅរដូវកាលនេះ ប៉ុន្តែសមនឹងទទួលបានតំណែងនេះ នៅក្នុងហង្សក្រហម ក៏ព្រោះតែគាត់បានលេងក្នុងតំណភ្ជាប់យ៉ាងល្អ ជាមួយ Mo Salah និង Sadio Mane ៕
