ខ្សែបម្រើ Andreas Pereira របស់ក្រុមបិសាចក្រហម Manchester United បាននិយាយថាគាត់នឹងមិនចុះកុងត្រាសម្រាប់ក្រុមផ្សេងទៀតនៃក្របខ័ណ្ឌ Premier League ប្រសិនបើគាត់ត្រូវចាកចេញពីទឹកដី Old Trafford ។
គាត់បានប្រាប់ Globo Esporte ថា“ សំរាប់ពេលនេះខ្ញុំសុបិនចង់លេងនៅទីនេះតែប៉ុណ្ណោះ។ ប៉ុន្តែជាការពិតក្នុងនាមជាកីឡាករម្នាក់អ្នកតែងតែចង់លេងឱ្យក្លិបធំមួយផ្សេងទៀត។
ក្នុងនោះដែរ លោកនិយាយពីរឿងក្នុងបេះដូងថា ខ្ញុំពិតជាចូលចិត្ត Barcelona និង Real Madrid ពួកគេជាក្រុមកំពូល ហើយក្នុងនោះក៏មានក្លិប Bayern Munich មួយដែរ ។ ប៉ុន្តែពេលនេះ ខ្ញុំជាកីឡាករ Man Utd អ៊ីចឹងត្រូវផ្តោតអារម្មណ៍លេងនៅទីនេះ។
ខ្សែបម្រើខាងលើបានបន្តថា ក្លិបបានផ្តល់នូវអ្វីៗគ្រប់យ៉ាងដល់ខ្ញុំ តាំងពីខ្ញុំមានអាយុ ១៦ ឆ្នាំ។ដូច្នេះខ្ញុំចង់លេងនៅទីនេះពេញមួយជីវិតរបស់ខ្ញុំរហូតដល់ខ្ញុំឈ្នះអ្វីៗទាំងអស់នៅទីនេះបន្ទាប់មកខ្ញុំនឹងទៅ Santos ៕
