ហង្សក្រហម Liverpool នឹងទទួលបានថវិកាចំនួន ១៧.៥ លានផោនទៀត ក្នុងករណី ដែល Philippe Coutinho ត្រូវបង្ហាញខ្លួន ២៤លើកនារដូវកាលក្រោយ ហើយជាមួយគ្នានោះ Barcelona បានត្រៀមខ្លួនរួចរាល់ហើយ ក្នុងការកោះហៅ តារាបាល់ទាត់របស់គេ ដើម្បីផ្តល់ឱកាសជាថ្មីនៅ Nou Camp។
Barcelona ចង់បានកីឡាករដែលខ្ចីជើង លេងនៅក្រៅក្រុម ក្រៅប្រទេស មកវិញ ដើម្បីជួយដល់ពួកគេ អំឡុងពេលកំពុងមានវិបត្តិ ហិរញ្ញវត្ថុ ប៉ុន្តែ Philippe Coutinho ប្រសិនបើលេងនៅ កាតាឡាន នោះ ហង្សក្រហម នឹងទទួលបាន ថវិកាចំនួន ២០លាន ផោនទៀត ។
កិច្ចព្រមព្រៀងដែលនាំយកខ្សែប្រយុទ្ធប្រេស៊ីលមកកាន់ទឹកដីអេស្បាញគឺសម្រាប់ថ្លៃដំបូង ១២០ លានផោន ប៉ុន្តែត្រូវបង់បន្ថែមទៀត ចំនួន ២០លានផោន នៅពេលដែល Coutinho លេង ១០០ ប្រកួត សម្រាប់ក្លិបថ្មីនេះ ។ បច្ចុប្បន្នគាត់លេងបាន ចំនួន ៧៦ប្រកួត ដូច្នេះបើវិលមកកាន់អេស្ប៉ាញវិញ លេងថែម ២៤ប្រកួតទៀត មានន័យថា អ្នកមានបុណ្យ នឹងត្រូវបង់ ២០លានផោន បន្ថែម ដូចដែលកុងត្រាជាមួយគ្នា។
គ្រូបង្វឹក អ្នកមានបុណ្យ លោក Quique Setien បានពេញចិត្តកីឡាករប្រេស៊ីលអាយុ ២៧ឆ្នាំនេះ ហើយនឹងអាចហៅមកចូលរួមលេងវិញ ។ ក្រៅពីកីឡាករខាងលើ នៅមានកីឡាករ ខ្សែការពារខាងស្តាំ Moussa Wague នឹងវិលចូលពីលីកបារាំងចូលក្លិប Jean Clair Todibo វិលពី Schalke , Oriol Busquets វិលពី Twente , Miranda វិលពី Schalke , Carles Alena វិលពី Real Betis ។ ក្នុងនោះ Rafinha អាចនឹងលក់ជូន Celta Vigo នឹងមានកីឡាករមួយចំនួនទៀត នឹងត្រូវលក់ចេញដើម្បីកើបថវិកាចូលក្លិបវិញ៕
