ខ្សែបម្រើប្រយុទ្ធសញ្ជាតិក្រូអាត Ivan Rakitic នៃក្លិប Barcelona បានលើកឡើងថាគាត់ចង់ឲ្យមានការប្រកួត ម្តងទៀតឆាប់ៗហើយបញ្ជាក់ថាមិនបារម្ភខ្លាំងអំពីការឆ្លងវីរុស Covid-19 ឡើយ។
ថ្លែងកាសែតមួយរបស់អេស្បាញ Diario Marca មុនពេលត្រលប់មកវិញនៃការហ្វឹកហាត់ របស់កីឡាករបាល់ទាត់អាជីពនៅអេស្ប៉ាញដែលត្រូវបានគេជឿជាក់ថានឹងធ្វើឡើងនៅថ្ងៃទី ៤ ខែឧសភា Rakitic បាននិយាយថា ខ្ញុំពិតជាចង់ ត្រឡប់មកវិញណាស់ជាមួយនឹងការធានាដ៏ល្អបំផុតអំពីសុវត្ថិភាពពីកូវីដ១៩ប៉ុន្តែទោះជាយ៉ាងណាយើង នៅមិនទាន់អាចប្រាកដទេថាវានឹងអាចកើតឡើង ១០០ ភាគរយឡើយនោះទេ។
Rakitic បានបន្តទៀតថាមិនមានបញ្ហាអ្វីឡើយសម្រាប់កូវីដ១៩ចំពោះរូបគាត់ដោយសារតែជឿជាក់ថាភាគរយនៃការឆ្លងគឺមានកម្រិតតិចតួចខ្លាំងណាស់ប៉ុន្តែអ្វីដែលយើងត្រូវតែធ្វើនោះគឺថាភាពសាមគ្គីគ្នាជាមួយនឹងអ្នកដែលបានប្រថុយប្រថានជីវិតរបស់គេក្នុងការចាប់ផ្តើមការងារតាំងតែពីពេលវិបត្តិចាប់ផ្តើមដំបូងនៅក្នុងប្រទេសមកម្ល៉េះ៕
ប្រែសម្រួល៖Lee
