John Terry ជំនួយការគ្រូបង្វឹករបស់ក្លិប Aston Villa បានសរសើរចំពោះ Jack Grealish ដោយធៀបទៅនឹងកីឡាករ Eden Hazard និង Joe Cole ។
កីឡាករអាយុ ២៤ឆ្នាំ ត្រូវបានគេរាយការណ៍មកថា ជាកីឡាករក្នុងបញ្ជីរផ្ទេររបស់លោក Ole Gunnar Solskjaer បន្ទាប់ពីរកគ្រាប់បាល់បាន ៧គ្រាប់ និងបញ្ជូនបាល់ជូនមិត្តរួមក្រុមផ្តាច់ទីចំនួន ៧ លើក។
វាក៏ត្រូវបានគេលើកឡើងផងដែរថា Jack Grealish មានតម្លៃប្រហែល ៦០លានផោន ដែលធូរថ្លៃជាង James Maddison របស់ក្លិប Leicester City ។
អតីតកីឡាករឆ្នើមរបស់តោខៀវ លោក Terry បានប្រាប់ AVTV ខ្ញុំយល់ឃើញថា Jack Grealish ស្រដៀងទៅនឹង Joe Cole និង Eden Hazard ។
ខ្ញុំគ្រាន់តែគិតថាសមត្ថភាពធម្មជាតិដែលគាត់មានហើយ Joe Cole មានទេពកោសល្យដែលព្រះជាម្ចាស់ប្រទានឲ្យ ដែលមិនមានមនុស្សជាច្រើនមាននោះទេប៉ុន្តែគាត់ពិតជាមានមែន។
លោកបានបន្តថា គាត់រហ័សប៉ុន្តែមិនមានមនុស្សច្រើនទេដែលដឹង គាត់មានទេពកោសល្យអស្ចារ្យ ។
អតីតកីឡាករជើងចាស់តោខៀវបានលើកឡើងពី Jack Grealish ថា នៅទីនេះមានរឿងជាច្រើន ចំពោះអ្នកលេងតំបន់ខ្សែបម្រើ ដែលគេមើលមិនឃើញ តែសម្រាប់ Jack គឺមានទេពកោសល្យដ៏អស្ចារ្យ ខ្ញុំមានក្តីរីករាយ ដែលបានឃើញគាត់រីកលូតលាស់ និងអភិវឌ្ឍក្នុងរយៈពេលមួយឆ្នាំពីរឆ្នាំចុងក្រោយនេះ។ ក្នុងនោះក៏បានបង្ហាញពីសមត្ថភាព ទៅកាន់ពិភពលោកទាំងមូល ដោយសបញ្ជាក់ថា គាត់ជាកីឡាករស្ថិតក្នុងចំណាត់ថ្នាក់កំពូល ។
លោកថា Jack តែងតែនៅហ្វឹកហាត់ដល់ម៉ោង 5,6,7 រាល់ល្ងាច ញ៉ាំអាហារត្រឹមត្រូវ ហើយក៏បានធ្វើការហាត់ប្រាណយ៉ាងទៀងទាត់ គាត់ជាអ្នកជំនាញម្នាក់ ដែលចង់ឲ្យខ្លួន ឡើងដល់ចំណុចកំពូល៕
